Náttúran er skrifuð með ám og fjöllum, bækur eru skrifaðar með orðum - báðar eiga skilið annað líf.

Hugmyndin að Fjordic varð til þegar við fjölskyldan dvöldum á Vestfjörðum, innblásin af náttúrunni og sjálfbærri hugsun. Hundruðum milljóna bóka er fargað ár hvert, síðum fullum af sögum, þekkingu og töfrum.Hjá okkur kviknaði sú sýn að gefa skemmdum eða yfirgefnum bókum nýtt líf með því að breyta blaðsíðum þeirra í einstök, umhverfisvæn listaverk.

Sjálfbærari listprent

Mörg listprent eru unnin úr nýframleiddum pappír og blekhylkjum og hafa oft meiri umhverfisáhrif en virðist við fyrstu sýn. Allt ferlið að baki hefðbundnum prentum, frá trjáhöggi til alþjóðlegra flutningskeðja, eykur kolefnisspor þeirra.Fjordic fer aðra leið. Frumútgáfur okkar eru prentaðar á gamlar bókasíður sem hefur verið bjargað frá förgun, en endurprentanir eru prentaðar á EU-umhverfisvottaðan pappír með Epson EcoTank-bleki. Með því að endurnýta efni þegar mögulegt er og velja ábyrgt hráefni þegar þess þarf, leitast Fjordic við að draga úr sóun án þess að skerða gæði eða fegurð.

Prentverk úr gömlum bókasiðum

Eftirfarandi frumútgáfur frá Fjordic eru í boði. Hver mynd er prentuð með vistvænu bleki beint á upprunalega blaðsíðu úr bók sem hefur verið bjargað frá því að vera fargað. Letur og texti gömlu blaðsíðunnar verða þannig órjúfanlegur hluti af listaverkinu. Engin tvö verk, jafnvel af sömu hönnun, eru nákvæmlega eins og blaðsíðan getur því verið önnur en sú sem sést á myndinni.Allar blaðsíðurnar eru eldri en 50 ára, sumar meira en 100 ára. Þær bera með sér spor tímans sem gefa hverju verki sinn einstaka karakter og sjarma. Frumútgáfur frá Fjordic kosta 5.900 kr. hver.Hver frumútgáfa er einnig fáanleg sem endurprent í A4-stærð. Þar er hverri mynd parað við eftirmynd af vandlega valinni orðabókarsíðu sem inniheldur íslenska heitið á viðfangsefninu og varðveitir þannig tengingu við upprunalegu bókina. Endurprentin eru prentuð með vistvænu bleki á vandaðan, umhverfisvottaðan 160 g/m² pappír, sem hefur hlýjan og náttúrulegan blæ í anda gömlu bókasíðnanna. Endurprent kosta 3.500 kr. hvert.Athugið að rammar og karton fylgja ekki með.

Hver erum við?

Fjordic er lítið prentverkstæði rekið af líffræðingunum Jonathan og Sigurlaugu, formlega stofnað árið 2025, en sagan okkar hófst nokkrum árum fyrr. Í covid-faraldrinum yfirgáfum við „stórborgarlífið“ í Reykjavík með eins árs dóttur okkar og fluttum í eitt ár til Bolungarvíkur á Vestfjörðum. Þar tóku íbúarnir á móti okkur með opnum örmum, við urðum samstundis heilluð af bænum, bröttum fjöllunum allt um kring og ekki skemmdu hnúfubakarnir í firðinum útsýnið úr svefnherbergisglugganum.Fljótlega tókum við eftir litlum en mikilvægum dæmum um hvernig samfélag og sjálfbærni fléttast inn í daglegt líf. Eitt þeirra var Nytjagámur, verkefni þar sem fólk skilur eftir hluti sem það hefur ekki lengur not fyrir, svo aðrir geti nýtt þá áfram. Þar sem við vorum nýflutt leituðum við endrum og sinnum að listaverkum og öðrum hlutum í Nytjagáminum til að lífga upp á auða veggi heimilisins. Eitthvað laðaði okkur að slitnum bókum sem þar höfðu verið skildar eftir. Hvað ef þær gætu orðið eitthvað meira?Það sem byrjaði sem einföld leið til að umbreyta gleymdum bókasíðum í list fyrir heimilið okkar varð smám saman að stærri hugmynd. Nokkrum árum eftir að við fluttum aftur til Reykjavíkur veltum við fyrir okkur hvort aðrir kynnu að njóta þessara prenta jafn mikið og við - og úr þeirri spurningu fæddist Fjordic.Markmið okkar er að blása nýju lífi í það sem þegar er til, draga úr sóun og skapa list sem er jafn góð við plánetuna og hún er falleg á veggnum þínum.

Hvernig á að panta

Ef þú vilt kaupa verk frá Fjordic eða hefur einhverjar spurningar geturðu fyllt út eyðublaðið hér að neðan. Við svörum eins fljótt og auðið er, yfirleitt innan eins virks dags.Hægt er að panta bæði frumútgáfur og endurprent beint hjá okkur. Úrval verka okkar er einnig fáanlegt hjá eftirfarandi söluaðilum í Reykjavík:Frumútgáfur
• Elding Whale Watching, Ægisgarður 5c, 101 ReykjavíkEndurprent
• Hvalasafnið, Fiskislóð 23-25, 101 Reykjavík
• Remember Reykjavík, Laugavegur 32, 101 Reykjavík
• Mamma Reykjavík, Laugavegur 35, 101 ReykjavíkÚrvalið getur verið mismunandi eftir sölustöðum. Ef þú ert að leita að ákveðnu verki er þér velkomið að hafa samband við okkur!Við hlökkum til að heyra frá þér!